Campu Tondu

In U Circondu

Vicinu à Campu Tondu a marina tizzaninca prupona cumercii, caffè, ustarii è pussibiltà di praticà sporti in acqua o di fassi calchi beddi spassighjati pà li chjassi fiuri.

In Tradicetu, rinaghju tamantu è salvaticu si po ghjunghja partendu da Campu Tondu; hè un locu magnificu pà pruvà i cavadda di Santu Pultru à 1chm da a prupiità.

E pò ci hè Sartè chi teni viva a mimoria di a so vechja storia è chì , tutti l’anni vedi passà U Catinacciu , cù a cruci di a Passioni ,aiutatu da i canti seculari...

A calchi passi si trovani i stantari è i stazzoni di Cauria è Paddaghju cunnisciuti in u mondu sanu.

U Sartinesu ,sopra tuttu d’istati , hè locu di fieri ,di sirati musicali è altri ,ma si po ancu stà à goda paci è tranquillità in U Campu Tondu...